要抱她回家要130個印花，$50 一個印花，我一支公點儲呢？感謝各位親朋好友不停送來印花，但距離 130 個還差好遠。得知逢星期六日買滿 $300 可獲雙倍印花，今日來個大掃貨。左逛右逛，在超級市場行了成粒鐘，諗到頭都爆，一人家庭有幾多嘢可以買呢？幾經辛苦，埋單 $301.8，我的心算還真厲害，12 個印花終於成功到手 

畀完錢，大鑊，洗衣液、洗潔精、沐浴露、一公升鈣思寶 x 4、大量罐頭、叮叮點心、一大條廁紙......一條友拎回家

未試過拎重物拎到扯晒蝦，心臟幾乎負荷不了，下次咪攪。熊寶寶呀熊寶寶，你睇我對你幾有誠意！