| 日日做到冇停手今日真係熱死人，三十幾度烈日當空萬里無雲，偏偏要去西貢開外景，由朝晒到晚，唔中暑真係要還神，皮膚簡直係炙傷，變咗咁 ----> ......黑人一個！ 0700-3000 地獄式廠 crew，我忍；人手唔夠做到隻狗咁，我都忍；即刻緊接 0900 外景瞓都冇得瞓，我局住要忍；星期一外景到星期七，好難忍都要忍；再接星期一至星期七，再接星期一至星期......，休息一日都冇，點忍？ 我好想爆粗呀!!!!!!!!!!!!!!!!!! |
| |
| 忙得要命，冇覺好瞓，眼見連日地獄外景，未來兩晚都要通宵達旦無家可歸，加上頂起大 job 壓力龐大，實在已經身心疲累，拜託別在這個時侯前來騷擾，好嗎？ |
| |
| 
要抱她回家要130個印花，$50 一個印花，我一支公點儲呢？感謝各位親朋好友不停送來印花，但距離 130 個還差好遠。得知逢星期六日買滿 $300 可獲雙倍印花，今日來個大掃貨。左逛右逛，在超級市場行了成粒鐘，諗到頭都爆，一人家庭有幾多嘢可以買呢？幾經辛苦，埋單 $301.8，我的心算還真厲害，12 個印花終於成功到手  畀完錢，大鑊，洗衣液、洗潔精、沐浴露、一公升鈣思寶 x 4、大量罐頭、叮叮點心、一大條廁紙......一條友拎回家  未試過拎重物拎到扯晒蝦，心臟幾乎負荷不了，下次咪攪。熊寶寶呀熊寶寶，你睇我對你幾有誠意！ |
| |
| 生性來不及覆診，未來兩天沒有藥吃。7:00pm 電話的吃藥提示鈴聲照常嚮起，但 "不用" 吃藥令我覺得份外輕鬆。做過 gym 又沒有副作用的折磨，我感覺自己是個正常健康的人。當然這是不對的想法，藥是不能自行停服的，所以星期五我還是會乖乖的去覆診。 我應承你，我會努力生性做人 (各方面都是) p(.\_/.)q 我是非常認真的！我不要你再整天為我操心！ 但......只怕長貧難顧，你還會忍受我多久，愛我多久呢？ |
| |
| New Pup!!
我家萬千寵愛的唐狗 "財仔" 病重，上個月家人百般不捨地讓他安息了。聽三哥說，家中靜休休的，爸媽 "沒事好幹" 因此常常吵架  爹娘嚷著要養隻小狗，為了替家中添一點生氣，今晚全家出動去迎接這頭新寵兒：一頭金毛尋回犬BB。回家後，我們馬上召開家庭會議，替小狗取名，還以為會有甚麼別出心裁又可愛的名子，誰知在你推我讓的情況下，老爹還是提他取名為 "仔仔"......回想一下，這已經是我家的第三頭 "仔仔"了  仔仔好像有點過度活躍，回到家中連跑帶跳玩足半小時沒有停過。老媽子見他太細隻 (僅兩個月大) 不敢抱他，但仔仔相當醒目，死纏著老媽不休......叻仔，一看就知家中的老佛爺是誰，你肯定有好日子過 
仔仔呀仔仔，你要幫我氹得爹娘開心啲呀 p(.\_/.)q |
| |
